यशैया ६१:१-२

“परमप्रभु परमेश्वरको आत्मा ममाथि छ, किनभने गरिबहरुलाई सुसमाचार सुनाउनको निम्ति परमप्रभुले मलाई अभिषेक गर्नुभएको छ । मन भाँचिएकाहरुलाई हृदयलाई बाँध्न, कैदमा परेकाहरुलाई स्वतन्त्रता दिन र बन्धनमा परेकाहरुलाई छुटकाराको घोषणा गर्न उहाँले मलाई पठाउनुभएको छ । परमप्रभुको प्रसन्नताको वर्ष र हाम्रा परमेश्वरको बदला लिने दिनको घोषणा गर्न, सबै विलाप गर्नेहरुलाई सान्त्वना दिन,”

                           -यशैया ६१:१-२
      

पवित्र आत्माको प्रतिज्ञा

“तिमीहरुले मलाई प्रेम गर्छौ भने मेरा आज्ञाहरु पालना गर्नेछौ । र म पितासँग बिन्ती गर्नेछु, र उहाँले तिमीहरुलाई अर्को सल्लाहकार दिनुहुनेछ, र उहाँ तिमीहरुसँग सदासर्वदा रहनुहुनेछ । यिनी सत्यको आत्मा हुनुहुन्छ, जसलाई संसारले ग्रहण गर्न सक्दैन, किनभने संसारले उहाँलाई चिन्छौ, किभाने उहाँ तिमीहरुसँग वास गर्नुहुन्छ, र उहाँ तिमीहरुमा रहनुहुन्छ ।”

 “म तिमीहरुलाई टुहुरा छोड्नेछैन । म तिमीहरुकहाँ आउनेछु । अब केही समयपछि संसारले मलाई कहिल्यै देख्नेछैन, तिमीहरुले मलाई देख्नेछौ । म जीवित भएको हुनाले तिमीहरु पनि जीवित रहनेछौ । त्यस दिन तिमीहरुले जान्नेछौ, कि म मेरा पितामा छु, र तिमीहरु ममा, र म तिमीहरुमा छु । मलाई प्रेम गर्ने त्यही हो जससँग मेरा आज्ञाहरु छन् र ति पालन गर्दछ । अनि मलाई प्रेम गर्नेलाई मेरा पिताले प्रेम गर्नुहुन्छ । र म त्यसलाई प्रेम गर्नेछु, र म आफैलाई त्यसकहाँ प्रकट गर्नेछु ।”

                             -यूहन्ना १४:१५-२१      

दश आज्ञा

१.म बाहेक अरू कुनै देवता-देवीहरू नमान्नू ।
२.आफ्ना निम्ति खोपेर कुनै किसिमको मूर्ति नबनाउनू, माथि आकाश अथवा तल पृथ्वी वा तल पानीमा भएको कुनै कुराको आकारको प्रतिमूर्ति नबनाउनू । ........................
३.परमप्रभु आफ्ना परमेश्वरको नाउँ व्यर्थैमा नलिनू ...................... ।
४.शबाथ-दिन (विश्राम-दिन) पवित्र मान्नु पर्छ भनि याद राख्नु.................... ।
५.आफ्ना बाबु र आमालाई आदर गर............ ।
६.हत्या नगर्नू ।
७.व्यभिचार नगर्नू ।
८.चोरी नगर्नू ।
९. आफ्नो छिमेकीको विरुद्धमा झूटो गवाही नदिनू ।
१०.आफ्नो छिमेकीका घरको लालच नगर्नू, आफ्नो छिमेकीको स्वास्नीको लालच नगर्नू, आफ्नो छिमेकीको कमारा, कमारी, गोरु, गधा वा त्यसको कुनै पनि थोकको लालच नगर्नू ।
                     -प्रस्थान २०:३-१७  

      

हितोपदेश २:२-५

  

बुद्धिका कुराहरु सुन्ने गरिस् र तेरो हृदयलाई समझशक्तितिर लगाइस् भने, अन्तर्दृष्टिको लागि पुकार गरिस् र समझशक्ति पाउनलाई पुकारिस् भने, यदी तैले चाँदीझैँ त्यसलाई खोजिस र गाडधनझैँ त्यो खनिस् भने, तैंले परमप्रभुको भय बुझ्नेछस् र परमेश्वरको ज्ञान प्राप्त गर्ने छस् ।

परमेश्वरको प्रेम

  
 किनभने परमेश्वरले संसारलाई यस्तो प्रेम गर्नु भयो,कि उहाँले आफ्ना एक मात्र पुत्र दिनुभयो, ताकि उहाँ माथि विश्वास गर्ने कोही पनि नाश नहोस् तर त्यसले अनन्त जीवन पाओस् ।
                                                  -यूहन्ना ३:१६